BE kritikon ofertën e Britanisë së madhe: E përkeqëson situatën

Pas ofertës së Britanisë së Madhe për shtetasit e BE-së, krerët europianë kanë kritikuar këtë ofertë duke e quajtur se kjo përkeqëson  situatën.

Ndërkohë  Presidenti i Këshillit Europian Donald Tusk tha se plani ishte “në pritje” kurse  kancelarja gjermane Angela Merkel tha se nuk kishte “asnjë përparim”.

Theresa May nga ana e saj e  pranoi se ka pasur dallime midis dy palëve.Por kryeministrja tha se do të garantohen të drejtat e të gjithë atyre  që “kanë ndërtuar jetën dhe shtëpitë e tyre” në Britani të Madhe.

Ajo gjithashtu sugjeroi që ndërsa të drejtat do të zbatoheshin nga gjykatat britanike, ato gjithashtu mund të mishërohen në të drejtën ndërkombëtare nëse marrëveshja ishte përfshirë në traktatin përfundimtar të tërheqjes.

Mbretëria e Bashkuar dhe pjesa tjetër e BE thonë se duan të vijnë në një marrëveshje që garanton një status të veçantë për 3.2 milionë shtetas të BE në Britani të Madhe dhe rreth 1.2 milionë britanikë që jetojnë në vendet e BE. (S.SH/Shuplaka)