Kryeministri Edi Rama, mbrëmjen e sotme është i ftuar në emisionin “Top Story”, të gazetarit Sokol Balla, që po transmetohet jo si zakonisht nga studioja por nga një ambient i hapur në Vlorë.
Drejtuesi i portalit “Java News”, Skënder Minxhozi, e ka pyetur Ramën lidhur me sistemin aktual elektoral, i cili i shtyn partitë politike të formojnë koalicion duke cënuar partitë e vogla, votat e të cilave i marrin ato të mëdhatë.
Megjithatë sipas kryeministrit, i cili u shpreh hapur kundër këtij sistemi, përsëri partitë e mëdha nuk kanë nevojë për patrtitë e vogla dhe kjo nuk duhet parë me këtë sy.
“Nuk them që PS është virgjëresha, por ka një ndryshim mes partive të mëdha me të tjerat. Partitë e mëdha, nuk e kanë nevojë jetike këtë sistem, sepse nuk kanë nevojë të bëjnë punësime për të rritur anëtarët për të rritur influencën, ky sistem është kanceroz dhe ky kancer i ka kapur të gjithë.
Unë kam dy shembuj, që janë të vlefshëm për të treguar që kur ka vullnet partia e madhe ka mundësi për ndryshime të rëndësishme. Vitin e parë që filluam punë ishte që askush të mos merrte në telefon Ministrin e Brendshëm për drejtuesit e komisariateve që deri tani ka qenë në dorë të deputetëve. Kam qenë kundër ndarjes së policive në parti, ndërsa sot u bë e mundur ajo që nuk ishte e mundur.”, tha Rama. (D.D/Shuplaka)
