Kandidati për Kryeministër i PAN-it, Ramush Haradinaj, ka paralajmëruar formimin e shpejt të Qeverisë që do të udhëhiqet nga ai. Haradinaj theksoi se kjo qeveri do të jetë e suksesshme dhe do të ketë mandatin katërvjeçar.
“Duhet të gjithëve me ju thanë: Bëhuni gati për një Qeveri Haradinaj. Katër vjet do ta keni në Kosovë. Bëhuni gati me i pranuar rezultatet e kësaj Qeverie, se ka me qenë e mirë për fëmijët e juaj”, u shpreh ai.
Haradinaj komentoi edhe deklaratat e VV-së dhe LDK-së që kundërshtojnë koalicionin me PDK-në.
“Situata është pak më ndryshe. Këto janë deklarime pas zgjedhore ende në atë frymën e zgjedhjeve. Situatat janë çdo herë e më evolutive dhe situata nuk është krejt ashtu siç po prezantohet në media. Unë në këtë rast përfaqësoj vetëveten, Aleancën, koalicionin, por jam mandatar. Do të thotë e kam të drejtën me negociuar dhe palët që negociojnë me mu nuk kanë nevojë me negociuar me askënd tjetër përreth meje”, tha Haradinaj. (S.SH/Shuplaka)
Discussion about this post