Përplasje me armë zjarri mes militantëve në Shëngjin, si u dhunua simpatizanti i LSI-së

Është shënuar dhe rasti i parë i përplasjes me armë në ditën e sotme të zgjedhjeve. Në Lezhë ka pasur të shtëna me armë zjarri.

Nga ajo që mësohet paraprakisht është se personi i dhunuar ndaj të cilit është qëlluar dhe me armë është një simpatizant i LSI-së.

Ajo që mbetet e paqartë është nëse aktivisti është dhunuar apo ka marrë edhe plumba nga arma e zjarrit në trupin e tij. 

Policia ka vendosur perimetrin e sigurisë në zonë, ndërsa vijon procesi i votimit. Personi që ka mbetur i plagosur është identifikuar si Florian Dushku, i cili tashmë ndodhet në Spital jashtë rrezikut për jetën.

Nga momenti në moment pritet dhe një reagim zyrtar nga ana e LSI-së. (E.K/SHUPLAKA)