Enea Kambo, 29 vjeç banues në Korçë është arrestuar nga policia e Korçës sepse u kap duke fotografuar votën. Ky veprim është parë edhe nga anëtarët e Komisionit.
Ai akuzohet për veprën penale “Shkelja e fshehtësisë së votimit”.
Njoftimi i policisë:
Në vijim të informacionit i cili bën fjalë për ndërhyrjen e Policisë në qendrën nr 3665/1 me kërkesë të Komisionit të Qendrës së Votimit ju bëjmë me dije se: Nga shërbimet e Komisariatit të Policisë Korçë u bë kapja dhe arrestimi në flagrancë i shtetasit : Enea Kambo, 29 vjeç, banues në Korçë. Arrestimi i tij u bë pasi në qendrën e votimit të lartpërmendur, ky shtetas ka fotografuar votën e tij dhe më pas është larguar, veprim i cili është parë edhe nga anëtarët e Komisionit. Materialet i kaluan Prokurorisë të Rrethit Gjyqësor Korçë për veprën penale: “Shkelja e fshehtësisë së votimit” parashikuar nga neni 327 i Kodit Penal.
(S.SH/Shuplaka)
Discussion about this post