Kurti e Mustafa bisedojnë në telefon, së shpejti takimi për qeverinë e re

Dardan Sejdiu, nga radhët e Vetëvendosjes, ka deklaruar se Albin Kurti ka patur një bisedë në telefon me Isa Mustafën.

Ai ka thënë se ata do të takohen së shpejti për të diskutuar në lidhje me formimin e qeverisë së re.

Sejdiu ka deklaruar se me Vetëvendosjen në qeveri do të rregullohen të gjitha parregullsitë dhe dallaveret në agjensitë e ndryshme, të cilat nuk do të kenë lidhje me parti politike.

“Me qeverisje e Vetëvendosjes do të rregullohen të gjitha dallaveret në agjencione ku nuk do të kenë më lidhje me parti politike, do të ketë vetëm punëtor të vërtetë”, ka thënë Sejdiu në Interaktiv të KTV’së.

Ai ka shtuar se kjo do të arrihet vetëm me qeverisjen e VV’së, bashkë me partnerin LDK.

Për PDK-në, Sejdiu u shpreh se kjo parti duhet të shkojë në opozitë. (B.H/Shuplaka)