Tom Doshi arriti që të siguronte mandatin e deputetit në Shkodër nën siglën e PSD-së. Në një intervistë për mediat lokale ai ka treguar se kryeministri Rama e ka uruar për fitoren në zgjedhje.
Po ashtu ai ka thënë se premtimet që ka bërë para qytetarëve shkodranë do të kenë dhe mbështetjen e kryeministrit Rama.
“E kam uruar kryeministrin Rama për fitoren dhe kryeministri më ka uruar. Premtimet e mia kanë mbështetjen e kryeministrit për mandatin 4-vjeçar”, tha Doshi.
Për ministrin Ditmir Bushati, Doshi u shpreh se “ai ka lindur i zi dhe s’ka pse ta komentojë”.
Më tej ai premtoi se do të mbështesë Vllazninë në sezonin e ardhshëm që të formojë një skuadër të mirë ndryshe nga 5 vitet e fundit.
“Unë e mora i vetëm mandatin dhe më shumë faktor kundër meje duke tentuar të më dëmtojnë”, u shpreh Doshi.
Deputeti ish-socialist denoncoi edhe blerjen e votave.
“Çfarë nuk është bërë. Janë blerë 3 vota 1 mln lekë te vjetra apo një vote 100 euro. Bëra gabim që bëra atë miting sepse i futi frikën kundërshtarëve dhe morën masa. Prisja një rezultat edhe më të mirë”, deklaroi Doshi. (E.K/SHUPLAKA)
