Kryebashkiaku i Bashkisë së Kamzës Xhelal Mziu, ka shpalluar fitoren për KZAZ 47 në qarkun e Tiranës e cila i përket Bashkisë së Kamzës. Me anë të një statusi në rrjetet sociale kryebashkiaku shkruan se Kamza është gjerdani i artë i Partisë Demokratike në Shqipëri.
Postimi i plotë :
KAMZA, GJERDANI I ARTË I PARTISË DEMOKRATIKE NË SHQIPËRI
Fitorja e thellë dhe e vyer e Partisë Demokratike Kamëz ndaj koalicionit qeveritar e më gjerë vijon traditën e këtij qyteti, i cili edhe këtë radhë zgjodhi vlerat e demokracisë dhe dinjitetit dhe jo ato financiare. Kamza edhe këtë herë injoroi presionin qeveritar, diskriminimin e pushtetit, duke zgjedhur të jetë i lirë në zgjedhjen e vet.
Puna e strukturave politike të PD Kamëz, shoqëruar me investimet dhe shërbimet e Bashkisë bënë që Kamza të jetë gjerdani i artë i Partisë Demokratike në Shqipëri.
Mirënjohje për çdo qytetar për këtë fitore të radhës të Partisë Demokratike Kamëz!
(S.SH/Shuplaka)
Discussion about this post