Deputeti i PD-së Tritan Shehu, i cili doli fitues nga zgjedhjet e 25 qershorit për qarkun e Gjirokastrës, gjatë një lidhje telefonike për “News 24” ka pohuar se se blerja masive e votës ndryshoi ezultatin final në Gjirokastër, ku PS-ja mori 3 deputetë, PD 1 dhe LSI 1.
“Procesi i votimit ishte normal, korrekt. Nëse do ta shohim në thelb, do shihnim probleme të mëdha, tragjike për vendin, siç është edhe blerja e votës. Blerja e votës ka ndryshuar rezultatin ne Gjirokastër. Ne kemi bërë thirrjet tona, por i takon policisë të hetojë. Ne nuk kemi në ndjekje të keqbërësve. Duhet ta bënin strukturat e policisë. Më tragjike është problemi i kanabisit dhe i drogës, të cilën e kam denoncuar edhe më parë, ndërsa ky qark është mbuluar nga droga. Paratë e drogës janë kthyer në mjet intimidim, kërcënimi për njerëzit e ndershëm. Tani i përdorin në këtë mënyrë”, u shpreh Shehu.
(S.SH/Shuplaka)
