Kryeministri Edi Rama, në takimin në sheshin “Skënderbej”, ku mbajti fjalimin e fitores, nuk harroi pa falenderuar edhe dy gratë më të rëndësishme të jetës së tij: bashkëshorten Linda Rama dhe nënën Aneta Rama.
“Pa Linda Ramën sot nuk do të isha këtu ku jam. Dhe prap gabimi që Gramozi më ka porositur gjithmonë që s’duhet ta bëj. Mos harrosh ndonjë dhe kam harruar më të paharrueshmen, Dibrën, por Dibranët jam i bindur, se përpara fillimit të dimrit, ne do kemi filluar Rrugën e Arbrit. Dhe si gjithmonë mes meje dhe Lindës u fut prap në mes politika.
E kuptoni sa e madhe është fitorja që kemi luksin ta mbrojmë dhe prap kemi fituar, sepse edhe po të mos ishte Gjirokastra do e kishim prap timonin. Mirënjohje për skuadrën e bukur të Gjirokastrës dhe një duartrokitje.
Prap dua të kthehem te gruaja, faleminderit që vazhdon të më durosh më heroikisht, sa ç’duroj unë të gjithë miqtë e katundit mediatik. Faleminderit edhe gruas tjetër të jetës sime Aneta Ramës, që nuk lë gazetë pa lexuar akoma nuk e ka humbur besimin tek unë. Nuk ka humbur as , ylli më i madh i kësaj fushate të sukseshme ka qenë shpirti ynëiI skuadrës, angazhimi i të gjithëve në punë dhe puna e të gjithëve në grup.Po ju them që nuk ju kam parë kurrë më skuadër se këtë herë. Ditët më të mira për Shqipërinë janë përpara jush dhe prandaj besoj shumë se kur të rritet Zaho, që s’do mbajë mend asgjë nga kjo fushatë jo vetëm se është shumë i vogël por është tërësisht i depoliizuar, në një çati ku nuk shihen lajme dhe nuk diskutohet për politikë në praninë e tij.
Rrofshi të gjithë ju këtu, rrofshi të gjithë ju që na ndiqni, të majtë e të djathtë. Rroftë Partia Socialiste e Shqipërisë, rroftë Shqipëria dhe duke ju falenderuar, dua të lajmëroj mbledhjen me shtabin në orën 15.”, tha Rama. (D.D/Shuplaka)
