Klajda Gjosha, e para e listës së LSI-së në Tiranë, së bashku me 4 kandidatët e tjerë Kejdi Mehmetaj, Floida Kërpaçi, Endrit Braimllari dhe Luan Rama arritën të fitojnë mandatet në Parlament.
Tashmë vetë Petrit Vasili deklaroi daljen në opozitë, edhe pas 19 deputetëve të fituar.
Por këshilltarja e Gjoshës, që ka mbajtur postin e ministres së Integrimit e ka sot një porosi për të gjithë ”vocërrakët në shpirt” siç i quan. Zirina Llambro, gazetare para se të punonte për Gjoshën, ua thotë hapur se është e lumtur që sot largohet nga Ministria e Integrimit me disa miq të vërtetë dhe se nuk i është dashur të bëjë as servilen dhe as lëpirësen.
STATUSI I PLOTË:
”Vocërrakëve në shpirt që janë tepër të shqetësuar për papunësinë time pas zgjedhjeve, do doja t’i kujtoja se punën e parë e kam nisur 20 vjeç në privat dhe pas 13 vitesh, do jetë pak e vështirë të gëzohen më shumë se disa ditë.
Nuk ka energji të rinovueshme që ua pastron shpirtin..Meqë gjithnjë kam menduar se bota është portokall, sot jam e lumtur që nga Ministria e Integrimit largohem me disa miq të vërtetë dhe akoma me e lumtur që në asnjë moment nuk më është dashur të bëj as servilen dhe as lëpirësen, por të jap maksimumin për të bërë siç duhet punën time.
Kam pasur fatin të punoj me një Ministre si Klajda Gjosha, me një njeri që veç qytetarise mbetet unike në pjesën e saj njerëzore, çka është edhe më e rëndësishmja. Meqë s’do jetë më shefja ime për ca kohë mund t’i them hapur se këto 4 vjet m’i ka bërë shumë të bukura dhe do ta kem xhan gjithmonë.
Mirënjohje pa fund për kolegët e mi gazetarë që nuk ma kursyen asnjëherë ndihmën. Respekte kolegeëve të mi Këshilltarë, nuk ka rëndësi të PS apo LSI! Shihemi shumë shpejt me angazhime të reja.” (V.G/SHUPLAKA)
