Pas fitores së mandatit të deputetit në Durrës Lefter Koka falenderon votuesit që i besuan atij dhe deputetes tjetër të zgjedhur nga LSI-ja, Nora Malajt.
”Qytetarë të Durrësit, Shijakut dhe të Krujës!
Ju falenderoj me përulësi dhe mirënjohje të thellë, Ju që na besuat !
Nuk mund të lë mënjanë këtu kandidatët për deputetë të Qarkut Durrës, drejtuesit dhe koordinatorët e fushatës për punën në ekip, pasionin e vendosmërinë të çdo anëtari të strukturave që punuan për një kohë të gjatë në këtë fushatë intensive, si dhe qindra e mijëra të rinjve në çdo zonë të Qarkut Durrës që nuk njohën lodhje kurrë.
Sërish faleminderit, për të gjithë ju qytetarë që me besimin, kulturën dhe vendosmërinë treguat se jeni shembulli më i mirë i shoqërisë shqiptare.
Ju jam mirënjohës përjetë!”, shkruan Koka.
Deputetët e qarkut Durrës të PS-së janë: Eglantina Gjermeni, Milva Ekonomi, Fidel Ylli, Ilir Ndraxhi, Rolant Xhelilaj, Jurgis Çyrbja, Rrahman Rraja dhe Klodiana Spahiu. Kurse PD-ja ka deputetët Oerd Bylykbashi, Fatbardha Kadiu, Edi Paloka dhe Florjon Mima. (V.G/SHUPLAKA)
