DETAJET E REJA/ Biznesmeni që iu bë atentat kishte konflikt pronash me vëllain

Detaje të reja zbulohen nga jeta e biznesmenit Tofik Hyka, të cilit iu bë atentat ditën e sotme në kryeqytet.

Mësohet se Hyka ka pasur një konflikt pronësie me vëllanë e tij, Sinan Hykën. Konflikti ka nisur ligjërisht para 5 vitesh. 

Sinan Hyka ka bërë padi civile në Gjykatën e Tiranës ndaj vëllait Tofik Hyka, duke kërkuar që të njihet si pronar i një toke me sipërfaqe 350 metër katror në fshatin Lalm të Tiranës.

Gjykata e Tiranës vendosi që Sinan Hyka, vëllai i biznesmenit Tofik Hyka, të njihet si pronar i pjesës së tokës që i takon. Biznesmeni Tofik Hyka këtë vendim të vitit 2012, e ankimoi në Gjykatën e Apelit Tiranë.

Në 2014-ën, edhe Gjykata e Apelit të Tiranës vendosi gjithashtu që Sinan Hyka të jetë pronar i tokës në fshatin Lalm të Tiranës, duke rrëzuar ankimimin e biznesmenit Tofik Hyka.

(M.D/Shuplaka)