Kërcënohet me jetë Kryetari i Gjykatës së Vlorës, çfarë thotë për sigurinë e tij

Kryetari i Gjykatës së Shkallës së Parë në Vlorë, Skënder Haluçit ka marrë kërcënime të vazhdueshme kohët e fundit.

Për “News 24” ai ka deklaruar se është kërcënuar dhe shprehet se ka pasur një rritje të ndjeshme të kriminalitetit kryesisht në sektorin e lëndëve narkotike. 

Sipas Skënder Haluçit, është tentuar që si trupa gjyqësore por edhe ai të friksohen në mënyra të ndryshme dhe forma të ndryshme por në asnjë rast nuk kanë rënë pre e këtyre presioneve ndërkohë që sipas tij shqetësim ngelet siguria në gjykatë. (J.V/Shuplaka)