Kryetari i ri i Bashkisë së Kavajës, Isa Sakja, i cili arriti të fitonte me një diferencë prej 28 votash përballë kandidatit socialist, ka zbuluar së ç’do të bëjë tani që do të jetë në krye të Kavajës.
Në një intervistë të dhënë për “TCH”, ai tregon se do të rikthejë “dy gishtat”. Historia duket se do të përsëritet. Sikundër Elvis Rroshi hoqi “Obeliskun e demokracisë” nga qendra e qytetit, edhe Isa Sakja do ta heqë “Obeliskun kuq e zi”.
“Ai simbol nuk kishte të bënte vetëm me Kavajën, ishte lëvizje mbarëkombëtare që diktatura antikomuniste të merrte fund. Unë kam dhënë fjalën në fushatë dhe do ta mbaj. Unë aty do të hap një konkurs mbarë kombëtar për arkitektë skulptorë piktorë dhe aty do jetë një simbol që përfaqëson atë lëvizje”, është shprehur kryebashkiaku Sakja.
Më tej, ai ka treguar edhe vendimin e parë që do të marrë si I pari i Kavajës. Kryetari i ri i kësaj bashkie ka zbuluar se do të hapë Kavajën për qytetarët, “pasi prej dy vitesh bashkia ishte kthyer në një bunker”: “Vendimi i parë që më takon mua si kryetar, është që ta hap Kavajën për qytetarët. Prej dy vitesh bashkia ishte kthyer në një bunker”.
(XH.A/SHUPLAKA)
Discussion about this post