Disa tifozë bullgarë që kishin ardhur në Shqipëri për të ndjekur ndeshjen mes Partizanit dhe Botev Plovdivit. Janë larguar me përshtypjet më të këqija nga vendi ynë. Ata thonë se policia shqiptare i ka trajtuar në mënyrë skandaloze, ndërkohë që në kufi doganierët shqiptarë u kanë kërkuar 10-15 euro për të hyrë në Shqipëri.
“Kur arritëm në kufirin pa kufij, sapo na panë me makinën me targë bullgare, doganierët menjëherë bënë shenjë që makina të parkohej. Ata filluan shpërthimin ndaj nesh dhe ai na tha t’i jepnin 10-15 euro, në mënyrë që makina të mos i nënshtrohej procesit të kontrollit të imtësishëm, që do të vononte dy orë, gjë e cila do të bënte që ne të humbisnim ndeshjen. Ne i thamë që jemi në rregull dhe në makinë nuk ka asgjë të palejueshme. Doganierët vazhduan në insistimin e tyre, pasi kërkonin t’u jepnim 15 euro, ose përndryshe do të na mbanin dy orë në kufi. Ne paguam dhe vazhduam rrugën tone”, thonë ata për “PlovdivDerby.com”.
Aspak mirë nuk iu ka ecue edhe pasi kanë kaluar kufirin siç rrëfejnë ata, edhe pasi arritën me vështirësi deri te stadium edhe pse gjysma e vendeve ishin bosh ata nuk u lanë që të parkonin afër stadiumit por rreth 600 metra larg tij.
Kushtet e zhvillimit të ndeshjes i kanë quajtur absurd, Shqipëria nuk ka vend në Europë, thonë ata.
Sipas tyre nuk kishte as ujë as vend për të urinuar.
“Ne menduam se brenda në stadium do të ofronin ose të paktën do të kishte banjë me çezmë uji, por mjerisht aty ndodhej vetëm një vend për të urinuar
Gjatë gjithë ndeshjes, policët nuk na lejuan që të shkonim të merrnim ujë. Fatmirësisht ishin lojtarët tanë atë që vinin çdo 5-10 minuta dhe na sillnin nga 1-2 shishe ujë dhe për këtë veprim i falënderojmë pa masë ata. Sjellje skandaloze e policisë shqiptare: Nuk u jepnin mundësi njerëzve të merrnin ujë në një temperaturë përvëluese. Kjo është një torturë brutale! Ky shtet nuk ka vend në Bashkimin Europian”, shprehen tifozët. (B.H/Shuplaka)
Discussion about this post