Dejana Kallogjeroviç, e cila është anëtare e LSI-së në Këshillin Bashkiak, ka reaguar mjaft ashpër për masakrën që po i bëhet lulishtes pranë ish-Parkut të Autobusave, ku zona është rrethuar për të ngritur disa pallate.
Kallogjeroviç tregon se edhe ajo është banore e njësisë 7 dhe shprehet kundër ngritjes së pallateve. Anëtarja e Këshillit Bashkiak shprehet se arrogance filloi pa kaluar ende java pas zgjedhjeve të 25 qershorit.
“Arroganca filloi pa kaluar java! Jam e sigurte qe ky eshte haraci qe duhet te paguani per parate me te cilat blete voten e shqiptareve. Por mos mendoni se do e kaloni lehte!”, paralajmëron Kallogjeroviç.
Kjo është e treta ditë radhazi, ku banorët janë ngritur në protesta për të penguar ndërtimin e pallateve. Madje një ditë më parë ata patën edhe një përleshje me policinë.
REAGIMI I KALLOGJEROVIÇ
“Pse kjo na qenka Shqiperia qe duan shqiptaret? Kjo eshte Tirana qe duam, me parqe te shnderruara ne pallate?
Si qytetare dhe banore e njesise 7 nuk mund ta pranoj te shikoj mamane time me syte me lot kur del ne dritare dhe sheh qe parku eshte rrethuar per tu bere pallat.
Me duket e padrejte te shoh komshinjte e mi te trishtuar dhe socialistet te zhgenjyer neper dritare, te cileve ia kane ndaluar edhe te zbresin per te protestuar duke i kercenuar me vendin e punes.
Arroganca filloi pa kaluar java! Jam e sigurte qe ky eshte haraci qe duhet te paguani per parate me te cilat blete voten e shqiptareve. Por mos mendoni se do e kaloni lehte!
Gabimet cdo dite e do te shtohen dhe njekohesisht gjykimi i qytetareve do te rritet. Do te rritet kur mos ta kene me parkun per te nxjerr femijet, mos te kete me stola per gjysherit, kur mos te kete me gjelberim per te na dhene oksigjenin e munguar.
Blerja e votes verboi syte e njerezve per momentin, por mesa duket erresira e Shqiperise do te ulet kembekryq tani!
Na lironi parkun! Mos na merrni frymen!” (D.D/Shuplaka)
Discussion about this post