Emergjencat Civile japin detaje në lidhje me situatën e zjarreve. Sipas tyre pasditen e sotme ka patur tre vatra zjarri në Fier dhe Elbasan.
Në Lushnjë ka rënë zjarr në një masiv me pisha, janë 10 ha me shkurre dhe pyje. Zjarri në Lushnjë dyshohet të ketë qenë i qëllimshëm.
Në vendngjarje janë zjarrfikësit e Fierit dhe të Patosit.
Emergjencat Civile më herët raportuan për një vatër zjarri në Çorovodë, ku pati dëme në një pyll me pisha, e konkretisht:
Në fshatin Bogovë, ra zjarr në një sipërfaqe me shkurre dhe pisha. Shërbimi vendor i MZSH Skrapar shkoi në vendngjarje dhe punoi me mjete rrethanore për shuarjen e zjarrit për shkak të terrenit të thyer malor. Në ndihmë për shuarjen e zjarrit shkuan dhe banorë të zonës. Si pasojë e zjarrit u dogj një sipërfaqe rreth 0.3 ha me shkurre dhe pisha. (B.H/Shuplaka)
Discussion about this post