“Për qartësim”, Endira Bushati tregon si u ndanë votat në Kryesinë e PD-së

Plot me polemika ishte mbledhja e djeshme e Kryesisë së PD-së, ku nuk munguan as shpërthime si ai i Majlinda Bregut që deklaroi se partia është në gjendjen më të vajtueshme të saj.

Ndërkohë që deklarata disi kontradiktore janë shënuar edhe në media, ku disa nxituan që të jepnin dhe emrat sesi kishin votuar anëtarët.

Endira Bushati një prej anëtareve të Kryesisë ka pasur një qartësim në rrjetet sociale se cilat ishin propozimet që kërkoheshin të futeshin në rend dite dhe si u ndanë votat pro dhe kundër.

STATUSI I BUSHATIT:

Për qartësim:

Dje, në mbledhjen e Kryesisë së PD, një grup anëtarësh propozuan që në rendin e ditës të ishin:

1. Analiza e humbjes së thellë së PD në zgjedhje;
   2. Shtyrja në kohë e zgjedhjes së Kryetarit në një afat të arsyeshëm për të gjithë, në përputhje me Statutin, për të garantuar një garë të pakontestuar, por edhe për t’i shërbyer bashkimit e jo përçarjes.

Ky propozim u rrëzua me:

11 vota pro
14 kundra
20 abstenime

Kujtojmë se Kryesia e PD-së vendosi që të votonte kundër shtyrjes së zgjedhjeve dhe miratoi vetëm dy kandidatura për garën e kreut të PD-së: Lulzim Bashën dhe Eduard Selamin.

(E.K/SHUPLAKA)