“Çfarë i thashë Selamit për garën kundër Bashës”, deklarata e fortë e Besnik Mustafajt

Besnik Mustafaj, i cili ka qenë ministër i jashtëm nga 2005-2007, ka folur për situatën brenda Partisë Demokratike.

I ftuar në rubrikën “Opinion” në “News 24”, Mustafaj tha foli edhe për kandidaturën e Eduart Selamit përballë kryetarit aktual të PD-së Lulzim Basha.

Sipas tij, Selami nuk ka asnjë shans që të përballet me Bashën, pasi sipas tij Basha kontrollon grupin parlamentar.

 “Realisht unë besoj se në rastin më mirë  ky vendim i Selamit tregon se ai nuk e njeh partinë dhe se është një veprim naiv. Unë nuk shoh asnjë shans që Selami të rivalizojë Bashën dhe nuk e kuptoj vendimin e tij. Unë në fakt kam patur dhe rastin që t’ia them përballë këtë gjë atij, që nuk asnjë shans as të barazojë Bashën e jo më të fitojë”, tha Besnik Mustafaj.

Ndër të tjera Mustafaj është shprehur se në këtë proces nuk e gjen veten dhe se nuk kupton vizionin e Bashës në lidership.

“Unë për vete nuk e gjej veten në këtë proces. Po jam kurioz ku e gjen veten Berisha. Pasi ai duhet të votojë Bashën apo Selamin. Berisha nuk abstenon kurrë. Dhe këtë gjë e dinë të gjithë. Por besoj se kjo fushatë do ta nxjerrë Bashën “de jure” kryetar të PD, por pa legjitimitet. Nuk e kuptoj çfarë vizioni ka Basha në lidershipin e vet. Por doja të thoja se Basha e kontrollon grupin parlamentar”, tha ndër të tjera Besnik Mustafaj. (D.D/Shuplaka)