Deputeti i Partisë Demokratike në Fier, Enkelejd Alibeaj, duke folur në emisionin “Opinion” në News 24, ka deklaruar se arsyeja e humbjes së PD-së nuk ishte vetëm lista.
Alibeaj i cili ka kryesuar listën e Partisë Demokratike në Fier deklaroi se ka dhe tre faktorë të tjerë kryesorë që kanë ndikuar në humbjen e PD-së.
Ai u shpreh se dhuna dhe rreshtimi ushtarak i administratës, identifikimi i individëve që kishin problem me zyrat shtetërore dhe paraja pa hesap që vinet nga hashashi, çuan në këtë rezultat zgjedhor.
“Janë fakte të njohur publikisht dhuna dhe rreshtimi ushtarak i administratës, identifikimi i të gjithë individëve që kishin problem me zyrat shtetërore, paratë e hashashit të hedhura pa hesapë, kto janë arsyet”, deklaroi ai.
Alibeaj gjithashtu u shpreh edhe në lidhje me vendimin e Bashës për ‘Vetëngrirje’ dhe e cilësoi si të duhurin, pasi sipas tij nuk kishte pse të jepte dorëheqje.
“Dorëheqja, bishtnim i përgjegjësisë. Basha dhe Selami do shkojnë para anëtarësisë për gjykim. Nuk duhet dorëheqje për sa kohë është vota ‘një anëtar një votë’. Unë mendoj se është zgjedhje e mirë vetëngrirja e funksioneve të Bashës. Basha është ‘vetëngrirë’ për t’u gjykuar. Sipas statutit kreu i PD qëndron në detyrë deri në zgjedhje. Nëse shkaku i vetëm i humbjes së PD do ishte lista e kandidatëve, Basha ka përgjegjësi. Unë mendoj se humbja e PD nuk ishte vetëm për shkak të listës” tha Alibeaj.
(B.H/Shuplaka)
Discussion about this post