Edhe Nikolla si Harito në mbrëmje mature, tund pistën e vallëzimit (VIDEO)

Ish-ministrja e Arsimit Lindita Nikolla, mbrëmjen e sotme po feston sëbashku me maturantët e Kurbinit mbrëmjen e tyre të Maturës.

“Do doja t’ju falenderoja, juve që jeni këtu dhe atyre që mundësuan votën për Partinë Socialiste dhe skuadrën e Partisë Socialiste,  dua t’ju shpreh mirënjohjen.”, nis Nikolla fjalën e saj.

Madje Nikolla duket se e ka shijuar mjaft mbrëmjen e sotme, pasi në videot e publikuara në faqen e saj zyrtare në Facebook, shihet në mes të pistës së vallëzimit duke kërcyer. Madje ia merr edhe valles. Një anë që s’e kishim parë më parë nga ministrja Nikolla.

Mirëpo të marrit pjesë në mbrëmjet e Maturës, duket të jetë një praktikë e grave të PS-së, pasi edhe Ministrja e Inovacionit dhe Administratës Publike, Milena Harito, ka bërë të njëjtën gjë më datë 24 qershor, kur supozohej të jetë heshtje zgjedhore.

Harito theu heshtjen zgjedhore në duke marrë pjesë në mbrëmjen e maturës në Farkë, të cilën duket se e kishte organizuar ajo.

Madje në fjalën e saj, Harito u thotë maturantëve që shpreson t’u pëlqejë vendi i zgjedhur, ndërsa u kujton atyre të votojnë numrin 2.

“Shpresoj që të gjithë ta keni mbaruar me sukses dhe tani të keni mundësinë të bëni zgjedhjet që secili dëshiron. Shpesoj që vendi t’ju pëlqejnë dhe gjithashtu jam e bindur që do vini të na mbështesni edhe nesër do mbështesni çdo njeri dhe çdo votë deri në kuti dhe gjithashtu që ditën e djelë do votoni numrin 2”, janë fjalët e saj.

Të paktën Nikolla, ndryshe nga Harito po merr pjesë në një aktivitet të tillë jashtë fushatës politike, mirëpo kujtojmë se ndër vite nëpër gjimnaze, ka ndodhur shpesh premtimi për të financuar mbrëmjen nëse maturantët që mbushnin moshën votonin për x apo y forcë politike. (D.D/Shuplaka)