Kryetari i Bashkisë Erion Veliaj, i cili mbrëmjen e sotme ishte i ftuar në emisionin “Studio e Hapur” të gazetares Eni Vasili, ka folur për kritikat që ka marrë lidhur me prishjen e ish-lulishtes te Parku i Autobusëve, ku po ndërtohet një kompleks pallatesh.
Veliaj është shprehur se kritikuesit e tij nuk shkojnë aty të protestojnë sepse kanë interesat e veta. Madje ka akuzuar Bashën, se reagimi i tij për lulishten ka qenë teatër, pasi i ka ardhur keq që lekët e kunatit kanë shkuar taksa për bashkinë.
“Si nuk vijnë, e ke vënë re pse nuk vijnë aty të protestojnë.
Ishte ngrirë, se ky bënte lojë ngriva-shkriva, sa e pa që lekët e kunatit shkuan taksë për bashkinë, u shkri të reagojë.A ka turp më të madh se një njeri që u rraf, doli nga ngrirja sapo pa që bakshishi i kunatit shkoi taksë për bashkinë.
Më mirë t’i marri taksa bashkia, lekët e këtyre sesa të shkojnë te xhepi i kunatit.
E patë si më lanë vetëm dashnorët e pemës, te çështja e digës, unë do luftoj gjithmonë prej vërteti, e jo teatër për inat të kunatiit që s’mori para.”, tha Veliaj.
Kryebashkiaku shtoi se plani i zonës për ndërtime ishterealizuar nga Basha kur ishte kryetar bashkie, studimi nga dhëndëri, ndërsa firma ishte hedhur nga Berisha.
Po ashtu prishjen e lulishte Veliaj e konsideroi si pa dëm, pasi tha se aq lulishte sa ka Tirana sot, 12000 aq do të ketë edhe pas përfundimit të ndërtimit.
Kujtojmë se Basha ka folur dje për herë të pas pasi shpalli ngrirjen e funksioneve të tij, dhe kjo për lulishten tek ish-Parku i Autobusëve.
Sipas tij shembja e lulishtes po bëhet në favor të klientëve të kryeministrit Edi Rama ndaj sulmonte kryeministrin Edi Rama. (D.D/Shuplaka)
