Qytetarë dhe aktivistë kanë protestuar sot përpara Bashkisë së Tiranës, për prishjen e lulishtes tek ish-Parku i Autobuzëve, për t’i lënë hapësirë ndërtimit të një kompleksi pallatesh. Mirëpo asnjë nga televizionet informative nuk e raportoi që po zhvillohej një protestë.
Lektori i gazetarisë Ervin Goci, i cili njihet për protestat e tij kundër ndërtimeve në kryeqytet, ka reaguar mjaft ashpër ndaj këtij veprimi të televizioneve, të cilat duket sikur kanë marrë urdhër të mos raportojnë lajme negative, që cënojnë imazhin e bashkisë.
“Asnje media per te raportuar per protesten per Parkun.
Jeni te gjitha nje m*t i madh, qe mbani ere “from the moon and back”…”, reagon Goci.
Kujtojmë se prej disa ditësh, banorët e lagjes ku po zhvillohen punimet për ndërtimin e pallateve, janë ngritur në protesta, mirëpo zëri i tyre deri më tani ka rënë në vesh të shurdhët.
Gjatë kohës që po zhvillohej protesta, në televizione po raportohej live nga Konventa e LSI-së, ndërsa pas mbarimit të Konventës vijuan normalisht emisionet, pa u bërë qoftë edhe vetëm një lajmërim që po bëhet një protestë. (D.D/Shuplaka)
[ngg_images source=”galleries” container_ids=”2341″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
