Pas pak pritet që burgu i Elbasanit të hapë dyert për disa të burgosur, të cilët do lënë më në fund qelitë e tyre. Sipas newsbomb.al, të arrestuarit të cilëve u ka ndryshuar masa nga “arrest me burg” në “detyrim paraqitje” dhe presin nga momenti në moment të largohen janë:
-Fidel Osma, 23 vjeç banues në Durrës,
– Amarildo Braçe, 29 vjeç banues në Durrës,
-Mario Hoxholli, 23 vjeç banues në Durrës.
Gjykata e Apelit Durrës vendosi sot ndryshimin e masën së arrestit ndaj të arrestuarëve në operacionin “Transportuesi”.
Tritan Hamitaj (gjyqtari që liroi Lulzim Berishën), Besim Treshnjeva dhe Petraq Dhimitri, janë tre gjyqtarët që morën vendimin për lirimin e të arrestuarve. Ende nuk dihen motivet e këtij vendimi pasi treshja e gjyqtarëve nuk ka bërë asnjë koment.
Të tre personat që do t’i shpëtojnë burgut, janë arrestuar në Peqin pasi janë kapur me 65 kg drogë. Ata vinin nga Gramshi dhe po e kalonin drogën nga një makinë në tjetrën por janë kapur menjëherë nga forcat operacionale në 7 qershor 2017. (D.D/Shuplaka)
