I shkruajnë në “Instagram” dhe i ngrenë kurth, katër persona tentojnë të grabisin fotografin nga Shkodra

Një ngjarje e paprecedentë ka ndodhur në qytetin e Shkodrës mbrëmjen e sotme, ku disa persona të paidentifikuar kanë tentuar të grabisin një tjetër.

Policia bën me dije se ngjarja ka ndodhur pranë kinemasë së qytetit, ku pre e këtij sulmi ra një 18 vjeçar, me profesion fotograf.

Autorët i kishin shkruar të riut në Instagram, ku i kërkonin që të bënte disa foto. Pas bisedës ata kanë lënë një takim, mirëpo pasi janë spostuar në një rrugicë katër “klientët” e kanë sulmuar dhe kanë tentuar t’i marrin aparatin fotografik. Po ashtu edhe sende të tjera.

Mirëpo për fat të mirë fotografi i ri arriti t’u shpëtonte agresorëve, për të cilët policia tanimë ka nisur hetimet. (D.D/Shuplaka)