Këngëtari shqiptar Arjan korkaj, u arrestua pak ditë më parë në SHBA, pasi ishte duke I dhënë makinës në gjendje të dehur.
Këngëtari i cili aktualisht ndodhet në qelin e paraburgimit, ka dhënë në një intervistë për “Summer Pages” të “Gazeta Shqiptare”, ai rrëfen të vertetën në lidhej me ngjarjen si dhe ditët e tij brenda qelisë.
Intervista e plotë:
Çfarë ka ndodhur në të vërtetë? Në momentin që jeni ndaluar, a kishit pirë?
Fatkeqësisht ndodhi ajo që s’do e dëshironte askush, më ndaluan ngaqë devijova nga vijat e bardha se po i bëja tekst një organizatori, mikut tim, kryetarit të “Vatrës” këtu në Tempa, zotit Tasim Ruko, për një bashkëpunim për festat që do vijnë, dhe Policia më ndaloi për devijim nga vizat e bardha. Mendonin se kisha pirë, por absolutisht s’kisha pirë pije alkoolike, dhe kuptohet që kur s’di dhe anglishten s’do shumë të ndodhë keqkuptimi, më vunë prangat dhe me pak fjalë brenda në Polici.
Çfarë ndodh nëse analizat dalin që ju keni qenë i dehur, sa dënoheni?
Analizat që bëra dalin mbas disa javësh, dhe jam më se i sigurt që do dalin të pastra. Nëse do dilnin që kam pirë, pa diskutim që të marrin patentën, plus dënimi financiar dhe edukimi i detyruar nga organet shtetërore.
Si ju kanë trajtuar në ambientet e paraburgimit?
E vërteta është se këtu s’ka kush je e çfarë bën, dhe një aktori të njohur që sollën mbrëmë njësoj iu sollën, thjesht, ke bërë gabim, do mësosh të sillesh.
A keni pasur diskriminime për faktin se jeni shqiptar?
Jo, absolutisht, njeri je, si të gjithë, por fatkeqësisht edhe këtu s’kemi lënë mbresa dhe emër të mirë.
Si janë kushtet në paraburgimin ku ndodheni?
Kur të fusin brenda je brenda, s’je më jashtë, kuptohet që kushtet s’janë më të mirat.
A mbani telefon në qeli?
Telefon jo, s’të lënë, por ke të drejtë të marrësh në telefon këtu brendapërbrenda. Telefonin tim e hap ndonjëherë kur ma japin, por qëndron në linjë se është i hapur.
(S.SH/Shuplaka)
