Kryetarja e Lëvizjes Socialiste për Integrim, Monika Kryemadhi, ka publikuar një foto të cilën e ka zhvilluar me komisionerët që shërbyen në zgjeddjet e 25 qershorit, të qarkut të Elbasanit.
Ndër të tjera shton se forca që do u japë besim pa kushte të gjithë shqiptarëve për të shkulur nga rrënjët “sistemin e oligarkëve të pushtetit që drejtohet nga Edi Rama”.
“Mirëmbrëma!
Kjo foto është shkrepur sot gjate takimit që zhvillova me komisionerët dhe numëruesit e qarkut të Elbasanit. Veç falenderimit, iu shpreha njëkohësisht mirënjohjen e thellë për përkushtimin, vendosmërinë dhe qëndresën në 25, 26 dhe 27 qershor, për ditët dhe netët e lodhshme të kaluara në ruajtjen dhe numërimin e votave për LSI.
Ne lindëm si forcë opozitare dhe si e tillë do të rritemi e forcohemi më shumë e me shpejt, për të qenë syri dhe zëri denoncues i çdo tentative për të kriminalizuar dhe zhytur më keq në korrupsion Shqipërinë. Ndaj, së bashku, do të punojmë çdo ditë për të qenë alternativa e re, forca që do u japë besim pa kushte të gjithë shqiptarëve për të shkulur nga rrënjët sistemin e oligarkëve të pushtetit që drejtohet nga Edi Rama. “, shkruan Kryemadhi. (D.D/Shuplaka)
Discussion about this post