Plane për plazh, bëhuni gati pasi moti sot do të jetë me kapriço

Çdo ditë e më shumë gjatë fundjavave parashikimi i motit kthehet në një busullë orientimi në lidhje me planet tona.

Kështu pavarëisht se moti paraqitet i kthjellët, nga mesdita nuk përjashtohen as rrebeshet e shiut në ekstremet veriore.

Ndërkohë që temperaturat do të pësojnë një rritje të lehtë në të dyja ekstremet e tyre.

Parashikimi i Meteoalb:

E SHTUNE: kthjellimet dominojnë bregdetin dhe zonat e ulëta ndërsa vranësira kalimtare do ketë në zonat veriore ku gjatë mesditës pritet shtim i vranësirave dhe rrebeshe shiu, në ekstremin verior.

Pasditja mbetet me kthjellime në ultësiren perëndimore por kthjellime e vranësira kalimtare do ketë në zonat lindore.

Temperaturat e ajrit sjellin një rritje të lehtë në të dy vlerat ekstremale ditore duke bërë që termometri të ngjitet maksimalisht në 37ºC.

Era do të fryjë e lehtë dhe mesatare me shpejtësi deri 24 km/h nga drejtimi veriperëndimor duke gjeneruar në brigjet detare dallgëzim të ulët.
FUNDJAVE TE MBARE NGA METEOALB !