Kandidati për kreun e PD-së Eduart Selami ka dhënë dje një intervistë për emisionin “Kapital” në “Vizion Plus”.
Ai thotë se nga takimet që ka nisur me bazën e demokratëve ka gjetur një mirëkuptim të jashtëzakonshëm.
Selami shton më tej se gara për kreun e Partisë është e pabarabartë po pavarësisht kësaj qëllimi është i qartë, për të fituar.
“Gara është e pabarabartë, që nga koha e deri tek mos dorëheqja e Bashës. Ajo që unë propozoj është një nën në statut, që nëse kryetari nuk e nxjerr partinë fituese në zgjedhje parlamentare, atëherë ai duhet të tërhiqet. Hyj në një garë të pabarabartë, port e fitueshme, shprehet Selami.
Selami thotë gjithashtu se Sali Berisha tashmë ka shprehur preferencën e tij në favor të Bashës, edhe pse në takimin që ka pasur me të, ai kishte premtuar neutralitet.
“Përsa i përket garëes, besoj se ai ka shprehur preferencë për zotin Basha, por ka qenë krejt normale. Nga deklarimet që ka bërë e kuptoj. Në takimin që kemi bërë ai më tha qe do te ruajë neutralitetin.
Unë i kam thënë se ai ka plotësisht të drejtë të mbështesë atë që mendon se është më afër asaj që ai mendon. Unë do ta mbështes Bashën dhe nëse fitoj.
Do të strukturoj gjithçka, por nuk do të ketë vendime të miat pa miratimin e këshillit kombëtar. Kjo është ajo që nuk është parë akoma në Shqipëri. S’do të ketë me parti si prona private të kthyera në vatra të korrupsionit politik”, deklaroi Selami.
(E.K/SHUPLAKA)
