Sot ka qenë dita e pestë e turit 30-ditor që kryeministri Edi Rama ka nisur, si pjesë e nismës “për të bërë shtet” që ai prezantoi pas fitores që 25 qershorit.
Rama ka publikuar videon me dëgjesa e qytetarëve, të cilët shprehin shqetësimet dhe problemet e tyre.
“Turi 30 ditor i dëgjesave publike për të përgatitur Bashkëqeverisjen me Njerëzit PËR SHQIPËRINË QË DUAM ka nisur Dita 5.”, shkruan Rama krahas videos.
Njëri prej qytetarëve shprehet se nuk ka tapi për tokën, dhe sipas tij fajin për këtë e ka “tepsia”.
“I ka bo topografi tokat dhe nuk kemi probleme, por nuk kanë dhënë tapi fare dhe nuk lënë të bëhen letrat se është kjo puna e tepsisë. Prandaj po u hoq kjo puna e tepsisë ne do jemi të gjithë në rregull. Ne këtë kërkojmë.”- thotë qytetari. (D.D/Shuplaka)
Discussion about this post