Jo vetëm Shqipëria po përballet me zjarre të fuqishme në këto ditë të nxehta. Në Kaliforni janë shënuar dhjetëra zjarre të fuqishme duke detyruar qindra njerëz të evakuohen.
Përhapja e këtyre zjarreve është shtuar pas kombinimit të temperaturave të larta dhe tokës së tharë, gjë që ka vështirësuar edhe punëne zjarrfikësve.
BBC raporton se zjarret janë veçanërisht të fuqishëm në Santa Barbara County, ku njëri prej tyre është duke kaluar një sipërfaqe prej më shumë se 93 kilometra katrore.
Sakaq, mijëra zjarrfikës janë vendosur, nga Pyjet Kombëtare të rivjerës, deri në pyllin San Bernardino në lindje të Los Anxhelosit.
Ndërkohë raportohet edhe për disa të lënduar si edhe për shumë shtëpi të shkatërruara. Si pasojë e temperaturave të larta, ekspertët paralajmërojnë se të moshuarit dhe fëmijët mund të jenë në rrezik, ndërsa shtojnë se temperaturat do vazhdojnë të ngrihen edhe më shumë. (D.D/Shuplaka)
Discussion about this post