Ketjona Ibrahimi vdiq vetëm pak ditë më parë në Spitalin Rajonal të Elbasanit në rrethana ende të paqarta pas operacionit. Pas denoncimit të familjarëve, ka nisur ndjekja penale ndaj mjekes kirurge, Juli Maksuti me akuzën “Mjekim i pakujdesshëm”.
Po kështu të gjithë familjarët e 18 vjeçares akuzojnë stafin mjekësor për neglizhencë. Kunati i 18 vjeçares Ketjona Ibrahimit, Renato ka treguar për “Panorama” se vdekja e saj është shkaktuar si pasojë e neglizhencës së mjekëve të të dy pavijoneve.
“Ketjona kishte dhimbje të forta në pjesën e barkut si edhe të vjella. Mjekët e Gramshit na dërguan për në Elbasan për një mjekim më të specializuar. Fillimisht shkuam në urgjencën e spitalit dhe më pas në kirurgji dhe përfunduam në Pavijonin e Gjinekologjisë, ku edhe u dyshua për ndonjë komplikacion në vezore. Pas shumë sorollatjesh, më në fund vajza u operua. Dhe vetëm 10 orë më pas ajo vdiq. Ky është edhe shkaku se pse kemi ngritur padi ndaj mjekëve, pasi dyshojmë se vdekja e saj është shkaktuar si pasojë e neglizhencës së mjekëve të të dy pavijoneve”, pohon kunati i të ndjerës, Ketjona Ibrahimi.(J.V/Shuplaka)
Discussion about this post