Nga Klodian Tomorri
Tranzicioni tremujor i formimit te qeverise eshte nje kosto e panevojshme per vendin dhe ekonomine. Ligji qe e percakton kete eshte nje akt totalisht idiot, i cili duhet ndryshuar nje ore e me pare.
Nuk ka asnje arsye se pse duhet te kete tre muaj vakum pushteti. Kjo eshte e demshme. Ne Shqiperi administrata shthuret nga nisja e fushates zgjedhore deri ne formimin e qeverise se re. Qytetaret nuk sherbehen, biznesi dekurajohet te ndermarre investime te reja.
Me tej akoma, kryeministri nxjerr vendim ku pezullon te gjitha tenderat publik. Buxheti trajtohet si nje dere, qe mund ta hapesh dhe mbyllesh sa here te duash.
Fushata fillon ne prill, qeveria e re formohet ne shtator. Jane plot 6 muaj ose gjysma e vitit, qe kufizohen shpenzimet buxhetore duke cenuar ne menyre dramatike efektivitetin e tyre.
Nga ana tjeter, ekonomise i krijohet nje pasiguri teresisht e panevojshme, e cila u manifestua qarte nje dite me pare tek treguesit e besimit. Rezultati i kesaj eshte prodhim i munguar, rritje me e ngadalte mireqenieje per qytetaret.
Shqiperia nuk e ka luksin te paguaje kosto te panevojshme. Ligji fare mire mund te ndryshohet. Dy jave jane mese te mjaftueshme per te numeruar votat, perfunduar cdo ankimim dhe mbledhur Parlamentin e ri.
Discussion about this post