Inspektoriati Shtetëror i Mjedisit dhe i Pyjeve ka reaguar pas denoncimit të emisionit investigativ “Stop” mbrëmjen e kaluar, lidhur me prerjen dhe transportin e drurëve në kohërn e moratoriumit.
Ky inspektoriat ka ndërmarrë masa për lirimin nga detyra të dy punonjësve të këtij institucioni, të cilët ishin të implikuar në videon e “Stop”.
“Mbështetur në VKM nr.103 datë, 04.2.2015 “Për krijimin dhe mënyrën e organizimit dhe funksionimit të Inspektoriatit Shtetëror të Mjedisit dhe Pyjeve”, Urdhërit të Kryeministrit nr. 49 datë, 29.3.2016 “Për miratimin e strukturës dhe të organikës të Inspektoriatit Shtetëror të Mjedisit dhe Pyjeve”.
Ligji 7961 datë 12.07.1195 “Kodi i Punës së Republikës së Shqipërisë” i ndryshuar, kreu i Inspektoriatit Shtetëror të Mjedisit dhe të Pyjeve, Z.Ergys Agasi liroi nga detyra ditën e sotme z. Dashamir Koltraka, me detyrë inspektor i sektorit Kavajë, në sektorin e Policisë Pyjore pranë ISHMP-së, Dega Rajonale Tiranë si edhe z. Ilmi Hoxha me detyrë inspektor i sektorit Tiranë në sektorin e Policisë Pyjore pranë ISHMP-së, Dega Rajonale Tiranë.
Të dy punonjësit janë liruar për shkak të mospërmbushjes së detyrave nga ana tyre. Kryeinspektori Agasi falenderon emisionin investigativ “Stop” në Tv Klan si edhe qytetarët për denoncimet, kontributin e tyre në ruajtjen e mjedisit si edhe mbështetjen e vazhdueshme që i kanë dhënë ISHMP-së.”, thuhet në njoftimin e ISHMP-së. (D.D/Shuplaka)
Discussion about this post