Qëllohen me armë zjarri dy persona në zonën e ish “Misto Mames”, policia rrethon kryeqytetin

 Në kryeqytet janë dëgjuar të shtëna me armë zjarri rreth orës 23:29 në rrugën “Sabaudin Gabrani”, në ish “Misto Mame”.

Sipas policisë nga të shtënat me armë kanë mbetur të plagosur shtetasit: Xh. V., 33 vjeç, si dhe J. SH., 25 vjeç.  Të plagosurit janë dërguar në në spital dhe janë jashtë rrezikut për jetën. 

 Menjëherë në vendngjarje kanë shkuar shërbimet e policisë ku ka rezultuar se: Në vendngjarje është gjetur i braktisur një automjet tip Golf që paraprakisht dyshohet se është përdorur nga autorët.

Po kështu në orët e para të mëngjesit janë ngritur pika kontrolli në hyrje dhe dalje të qytetit si me qëllim kapjen e autorëve.

DETAJE:

Më datë 11.07.2017, rreth orës 23:29 në numrin e Emergjencave 112 ka ardhur njoftimi për të shtëna me armë në rrugën “Sabaudin Gabrani”, në ish “Misto Mame”.
Menjëherë në vendgjarje kanë shkuar shërbimet e policisë ku ka rezultuar se:
Nga të shtënat me armë kanë mbetur të plagosur shtetasit: Xh. V., 33 vjeç, si dhe J. SH., 25 vjeç.
Shtetasit e plagosur janë transportuar në spital dhe janë jashtë rrezikut për jetën.
Në vendngjarje është gjetur i braktisur një automjet tip Golf që paraprakisht dyshohet se është përdorur nga autorët.
Grupi hetimor ka sekuestruar disa gëzhoja të qitura nga armë zjarri pistoletë.
Grupi hetimor po vazhdon punën për sqarimin e rrethanave të ngjarjes.
Nga veprimet e para hetimore të kryera në vendngjarje policia ka identifikuar autorët e dyshuar, por për arsye hetimi nuk jepen të dhëna të tjera.
Janë ngritur pika kontrolli në hyrje – daljet e qytetit si dhe po krihet zona përrreth me qëllim kapjen e autorëve.

(J.V/Shuplaka)