Mesila Doda ka reaguar sa i përket vendimit të PS-së për të kontestuar rezultatin e zgjedhjeve në Qarkun e Tiranës. Ajo thotë se është absurde që forca politike që e administroi vetë, e numëroi po vetë rezultatin ka kontestime.
“Ky është rasti kur vetë forca politike përgjegjëse e bën pis procesin e vetë… e administroi vetë, e numëroi po vetë… ne as nuk ishim në ato tavolina dhe ne fund ka pretendime për rezultatin. …
Në të gjitha qendrat e votimit që konteston PS, vetëm në 2 raste PDIU ka pasur numëerues. I bie që nga njëra anë na kanë vjedhur votat, nga ana tjetër, edhe aty ku nuk kemi pasur numërues na kanë dhënë vota”, shkruan Doda.
Më herët dhe Idrizi ka deklaruar në KQZ se në grupet e numërimit janë vërtjtur një sërë parregullsish.
I drizi ndërkohë ka shtuar edhe më shumë akuzat duke thënë se numëruesit e partive të mëdha vlerësonin dhe votat e pavlefshme, duke bërë që të rritej pragu elektoral për PDIU-në.
“Ne i kemi të gjitha pamjet filmike. Pavarësisht rezultatit ne duhet të ndalemi gjatë në këtë çështje. Nëse hape kutitë e Tiranës e të gjendeshin që të ketë përputhje mes rezultatit dhe procesverbalet. Votat e pavlefshme ndahen mes dy partive të mëdhaja.
Madje po të doni do ju japin shembuj sesi numëruesit ndahen dhe vënë kryqet në fletët e votimit që janë lënë bosh. PDIU-ja ka pasur numërues vetëm në 10% të qendrave të votimit ku ne kontestojmë, çuditërisht forca tjetër që ankimon rezultatin e Tiranës nuk numëron votat e saja po numëron votat e LSI-së.
Rastet që ne kemi paraqitur tregojnë edhe njëherë tjetër se në qendrat e numërimit vullneti i zgjedhësve është deformuar”, u shpreh Shpëtim Idrizi.
Kujtojmë se një nga mangësitë e sistemit elektoral në vendin tonë edhe pragu mjaft i lartë që ju duhet partive të vogla për të hyrë në Kuvend.
Diferenca e mandatit që sipas KQZ-së është humbur nga PDIU është më pak se 30 vota. (E.K/SHUPLAKA)
Discussion about this post