Flet për herë të parë Mentor Petrela pas skandalit të Ramës, i jep një përgjigje diplomatike 

Ka folur për herë të parë Mentor Petrela, mjeku i njohur pas skandalit të Edi Ramës pasi ky i fundit e bëri pjesë të ‘listës së zezë’. 

Petrela për “Panorama Online”  i ka dhënë një përgjigje diplomatike Ramës duke u shprehur se “shkaku është urrejtja e përjetshme dhe zilia ndaj talentit”. 

“Shkaku është urrejtja e përjetshme dhe zilia ndaj talentit. Për të evituar gomarllekun me të cilin ky populizëm ushqehet me mjetet e sotme të komunikimit influencuar dhe nga “Bota është e sheshte” e Thomas Friedman i kam refuzuar këto mjete”, shprehet Petrela.

Rama vetëm një ditë më parë ka publikuar 101 emra ku sipas tij kanë abuzuar me detyrën në administratë. Sipas tij kjo listë erdhi pas denoncimeve të qytetarëve në faqen e e tij në “Facebook”, në rubrikën “Eksperiencat negative”.

Reagimi i Mentor Petrelës:

Populizmi eshte nje menyre cinike per te luajtur me zemerimin e nje mase amorfe qe e perkedhelin me emrin popull qe jo rralle eshte perdorur per te hequr qafe eliten”uzurpatore”.

Shkaku eshte urrejtja e perjetshme dhe zilia ndaj talentit. Per te evituar gomarllekun me te cilin ky populizem ushqehet me mjetet e sotme te komunikimit influencuar dhe nga “Bota eshte e sheshte” e Thomas Friedman i kam refuzuar keto mjete.

Sot e gjej vehten i korruptuar. “virgo et incorrupta “paradox i skuadronit FB.Volteri ne letren drejtuar d’Alembert 18 korrik 1766 shkruan”…barbaria po behet e padurueshme nga heshtja jone, neser ajo do te na there kur ti vije qejfi madje juridikisht”

Ne historine e familjes pas ardhjes se komunisteve ne ’44 gjysherit, klasa e permbysur e perjetuan me etiketa te varura ne qafe “gjakpires te popullit” me pas me gjyqe, deportime, burgje, internime, keshtu qe kjo e sotmja me duket lule.

Ajo qe me shqetesoi eshte mentaliteti i skuadronit i Saint Just” Mbreti duhet te gjykohet si armik”.

Jetojme ne demokraci, disa “realiste” jane pjesa me antidemokratike sidomos kur ndjekin shijen e plebes, harrojne se ka padi difamacioni edhe pse Nietszche autokracine e shtetit e perkufizon “perbindshi i ftohte”.

Skuadra FB kurre nuk do te kete shansin te degjoje korin e se vertetes qe I drejtohet Eteoklit ne Shtate kunder Tebes “Ti nuk do te quhesh nje i poshter sepse jetove me arritje”.  (J.V/Shuplaka)