Vizita e kryeministrit Edi Rama në Samitin e Triestes, bëri shumë bujë ditën e kaluar dhe kjo për shkak të veshjes së tij.
Të shumtë ishin ata që e kritikuan veshjen e Ramës me atlete të bardha me vija të kuqe të kombinuar me kostum serioz, duke e cilësuar këtë kombinim si një përpjekje për të tërhequr vëmendje. Mirëpo kishte edhe nga ata që i dolën në mbrojtje.
Një qytetar nga Kosova ka ndërhyrë në foton e kryeministrit kosovar Isa Mustafa, duke i veshur atletet e Ramës.
Fotoja ka bërë shumë bujë në rrjetet sociale dhe në media dhe është komentuar së tepërmi.
Kujtojmë se ndërkohë që në Shqipëri kritikohej veshja e Ramës, në Ksoovë ishin të shumtë ata që i dolën ën mbrojtje, duke bërë edhe krahasime me kryeministrin Mustafa.
Një ndër to ishte edhe Arbana Xharra, e cila shkruante se më mirë si Rama që ra në sy në Trieste, edhe pse vetëm për shkak te veshjes së tij, sesa si Isa Mustafa që nuk u vu re fare.
“A me mire si Rama qe po terheqe vemendje apo si Isa Mustafa qe nuk verehej fare prezenca e tij. Shqiptaret s’kane nevoje te jetojne me ndjenjen e inferioritetit as te kene kompleks popuj te tjere. Jemi evropian po aq sa italianet, francezet e gjermanet. Andaj çlirohuni nga komplekset, hapuni se bota eshte me e madhe se sa ngjarjet perreth nesh!”, shprehej Xharra. (D.D/Shuplaka)
Discussion about this post