Elio Laze ka reaguar pas përfundimit të procesit të rinumërimit të votave në 64 kutitë e kontestuara nga PDIU dhe PS.
Nga këto 64 kuti, dy prej tyre rezultuan pa probleme dhe PDIU-ja e Shpëtim Idrizit mori 5 vota më shumë se më 25 qershor.
Laze shprehet se pasi u vërtetua se procesi i numërimit të votave ka patur problem, kërkon protesta.
“Pra u hapen 64 kuti. Nga te cilat rezultoi qe 62 kuti kishin probleme. Pra me 25 qershor shumica e popullsise bojkotoi. Dhe ky tipi i atleteve e quan veten kryeminister legjitim me cerekun e votave te marra (dhe keto me probleme).
JO! Ky nuk eshte kryeministri im. Ata qe do te emerohen nuk jane ministrat e mi.
Ky nuk ka ndermend te ike. Dua protesta.
Kjo nuk eshte qeveria ime!”, shkruan Laze.
Kujtojmë se pas rinumërimit të 64 kutive, PDIU mori vetëm 5 vota më shumë se më 25 qershor, duke humbur kështu mandatin e fundit në Tiranë.
Pavarësisht se kreu i PDIU-së Shpëtim Idrizi, pretendonte se i janë vjedhur votat në Tiranë dhe kërkoi rinumërim, ai nuk ia doli ta fitojë mandatin e 34-t në kryeqytet duke mbetur kështu jashtë Kuvendit. Po ashtu kujtojmë se gjatë këtyre ditëve janë publikuar një sërë videosh, ku shihet se si votat e partive si PDIU dhe LIBRA i kanë kaluar partive të mëdha.
(D.D/Shuplaka)
Discussion about this post