Prej më shumë se 2 javësh banorët e Yzberishtit në kryeqytet vuajnë mungesën e ujit. Ata detyrohen të blejnë botet me 10 mijë lekë nga makina që qarkullojnë në zonë, edhe pse nuk dihet se ku ata mbushen.
Nëse ujë ka diku gjetkë përse atëherë banorët përballen me mungesën e tij? Ose nëse uji është i papastër duhet ndërhyrë menjëherë pasi mund të dëmtohet shëndeti i banorëve.
Nëse më parë banorët e kësaj zone furnizoheshin me ujë vetëm për një orë në ditë 16:17 të pasdites tashmë ata janë lënë totalisht në mëshirë të fatit.
Duhet thënë se dhe uji që vinte më parë nuk përdorej për të pirë pasi cilësia e tij linte mjaft për të dëshiruar. Mirëpo tani edhe për të larë, pastruar, apo për në tualetu atyre iu duhet të shpenzojnë shumë herë më shumë para.
Pak muaj më parë pranë qendrave të banuara u ndërtua nga Bashkia një depozitë e madhe me ujë dhe u garantua se tashmë do të kishte ujë të rrjedhshëm, po mesa duket premtimet i mori era me mbarimin e ndërtimit.
Familjarët shprehen se gjendja është vërtet problematike duke ditur që gjatë verës nevoja për ujë është mjaft e lartë. Ndërkohë që faturave të shpenzimeve ditore i shtohet dhe kjo e ujit.
(E.K/SHUPLAKA)
Discussion about this post