LSI kallëzon penalisht komisionerët në Bulqizë, Spahiu: Kanë shtuar 70 vota për PS, PD dhe PDIU

Lëvizja Socialiste për Integrim në Dibër, ka denoncuar komisionerët e qendrës së votimit 1079 në Bulqisë, për devijim të votave.

Lajmin e ka dhënë deputeti Përparim Spahiu, i cili ka publikuar edhe një kopje të kallëzimit penal. LSI-ja e Bulqizës i akuzon komisionerët për falsifikim të materialeve zgjedhore dhe falsifikim të rezultatit të zgjedhjeve.

“Me herët, pata njoftuar denoncimin për komisionerët e qëndrës së votimit 1079 në Bulqizë, ku në bashkëpunim kanë shtuar rreth 70 vota për PS, PD dhe PDIU. Besoj që nuk ka rrugë tjetër përveç se kallëzimit penal të tyre, kallëzim për një skemë të re dhe të frikshme, më të rrezikshme se blerja e votës, ajo e blerjes së komisionerëve.”, shkruan Spahiu. (D.D/Shuplaka)