Prej disa ditësh në jug të vendit po zhvillohet një superaksion antikanabis nga ana e Policisë së Shtetit. Në vijim të këtij operacioni në në fshatin Drithas, goditet një rast tjetër i prodhimit dhe shitjes së narkotikëve.
Sekuestrohen 40 kilogramë lëndë narkotike e dyshuar si kanabis sativa dhe arrestohet në flagrancë autori i dyshuar.
Më datë 15.07.2017, Drejtoria Vendore e Policisë Vlorë, në bazë të informacioneve të marra në rrugë operative është bërë e mundur gjetja dhe sekuestrimi i një sasie lënde narkotike në banesën e shtetasit F. L, në fshatin Drithas.
Lënda narkotike u gjet e groposur në bahçen e kësaj banese, e hermetikuar në dy bidona plastikë, brenda të cilëve ishte fshehur një sasi prej 40 kilogramë lëndë narkotikë e dyshuar si Cannabis Sattiva.
Menjëherë, policia ka bërë të mundur kapjen dhe arrestimin në flagrancë të pronarit të kësaj prone, shtetasin:
- F. L., 29 vjeç, banues në fshatin Drithas.
Materialet u referuan në Prokurori në ngarkim të tij për veprën penale “Prodhimi dhe shitja e narkotikëve”, parashikuar nga neni 283/1 i Kodit Penal.
(E.K/SHUPLAKA)
