Vajza e Linda Ramës, Rea Xhillari ka folur në një intervistë për “Bordo“,mbi profesionin, ëndrrat e pasionet, kujtimet në shtëpinë e fëmijërisë, marrëdhënien me vëllain Zaho dhe rëndësinë e Edi Ramës në jetën e saj, me të cilin ndajnë të njëjtin pasion, pikturën.
Ajo thotë se me Edin mundohet që të shfrytëzojë kohën e pakët të lirë që ai ka për të folur në lidhje me artin dhe pikturën. Po ashtu Rea paraqitet mjaft xheloze për Zahon kur thotëe që nuk do ta ndajë me të tjerët.
Rea ju jeni pjesë e familjes kryeministrore. Ç’raport keni me z. Rama?
Ne nuk jemi familje kryeministrore po prej tre vjetesh e gjysmë kemi një kryeminister në familje! Kjo do të thotë se për mua Edi është kryeministër si për gjithë të tjerët, po ndryshe nga të tjerët unë e kam dhe do ta kem gjithnjë të rëndësishëm në jetën time, pavarësisht nga statusi i tij zyrtar apo social.
A këshilloheni ju me të, si dy artistë dhe a shkëmbeni ide për ndonjë projekt?
Në kohën shumë të kufizuar që e gjej pa telefonin që nuk i ndahet as kur është duke kaluar orët shumë të rralla të pushimit, është kënaqësi të flas me Edin për artin, modën, filmin dhe patjetër edhe për idetë e mia. Por, padyshim Linda është shoqja ime e pandarë e bashkëbisedimeve të gjata dhe këshilluesja ime më e mirë.
Ju postoni shpesh foto me më të voglin e familjes, Zaho. Kaloni shumë kohë me të? Si është Zaho kujt i ngjan më shumë?
Di të them se sa herë kam mundësi e kaloj kohën me të e nuk ngopem dot me Zahon! Është një rreze drite dhe një super çun, po jam shumë xheloze për ta ndarë me të tjerët kur kërkojnë të shuajnë kuriozitetin lidhur me të. Kështu që asnjë fjalë më tepër për vëllaçkon tim!
Po me Gregorin, djalin e madh të Kryeministrit çfarë raporti keni krijuar, në fillim jeni shfaqur shpesh bashkë në publik?
Gregu është njish! I talentuar, gjithë humor të veçantë, shumë shok i mirë për mua.
(E.K/SHUPLAKA)
Discussion about this post