Dyshohet për zjarrëvënie të qëllimshme, arrestohet 64-vjeçari në Shkodër

Në një kohë që janë shtuar çdo ditë e më shumë zjarret në vend, vinë dhe arreestimet e para për disa nga shkaktarët.

Kështu një 64-vjeçar në Shkodër është vënë nën prangat e policisë pasi dyshohet se në fshatin Hot i ri i ka vendosur zjarrin disa shkurreve ku është djegur nga zjarri një sipërfaqe me rreth 5 dynym barë dhe shkurre.

Njoftimi i Policisë:

Arrestohet në flagrancë një shtetas i dyshuar si shkaktar i zjarrit të qellimshëm.

Më datë 17.07.2017, nga Seksioni për hetimin dhe parandalimin e krimeve në Komisariatin e Policisë Shkodër u bë arrestimi në flagrancë i shtetasit Pjetër Pervata 64 vjeç, banues në fshatin Hot i Ri Njësia Administrative Rrethina Shkodër.

Ky shtetas dyshohet se rreth orës 18:00, në fshatin Hot i Ri i ka vendosur zjarrin disa shkurreve ku është djegur nga zjarri një sipërfaqe me rreth 5 dynym barë dhe shkurre. Materialet proçeduriale i kaluan Prokurorisë së Rrethit Gjyqësor Shkodër për veprën penale “Shkatërrim prone me zjarr” parashikuar nga neni 151/1 i Kodit Penal.