“PD e ka gjetur njeriun që fiton brenda partisë, por jo jashtë saj”, BATUTA e Patozit për Gjanën

Pas deklaratës së Kryetari i Komisionit Qendror të votimit në Partinë demokratike, sot se listat e anëtarësisë nuk mund të bëhen publike në faqen elektronike për shkak se shkelet ligji për mbrojtjen e të dhënave personale, ka reaguar edhe deputeti Astrit Patozi.

Deputeti ka publikuar mesazhin e një mikut të tij, i cili i shkruan se PD e ka një njeri që fiton gjithnjë brenda partisë, por jashtë saj jo.

“PSE NUK E TREGOJ AUTORIN E BATUTËS

Një miku im i paangazhuar në politikë më shkruante dje në WhatsApp: “Partia Demokratike e ka gjetur njeriun që e fiton gjithmonë garën brenda partisë. Tani i duhet të gjejë edhe një tjetër që të fitojë garën me partitë e tjera.”
Emrin e autorit nuk po e them sot për dy arsye. E para, se nuk e kam marrë lejen e tij dhe nuk e di nëse kjo do t’i pëlqejë. Por më kryesorja, se kam frikë që kjo mund të ndikojë për të prishur paanësinë deri tani perfekte të Komisionit të Jemin Gjanës.”, shkruan Patozi. (D.D/Shuplaka)