Ish-trajneri De Biazi, është shprehur për trajnerin e ri të kombëtares shqiptare Christian Panucci-n se nuk e ka këshilluar ai presidentit të FSHF-së Armando Dukës.
“Të sqarojmë diçka. Nuk i këshillova askënd presidentit, por ai më tha që takoi disa trajnerë. Më tha që prej herës së parë kur u takua me Christian, ai i kishte lënë menjëherë përshtypje. Përpos futbollit, presidenti ka një eksperiencë të madhe dhe di t’i vlerësojë njerëzit me mjaft kujdes.
Nëse zgjodhi Kristian, ka parë tek ai cilësi për sa i takon menaxhimit të grupit, të situatave por edhe të eksperiencave që ka pasur në karrierë”, u shpreh De Biazi për “SuperSport”.
Ndërkohë që ish-trajneri thekson se Christian është inteligjent dhe ka nisur menjëherë të njihet me lojëtarët, po ashtu se ai do shkojë ta takojë.
“Personalisht uroj që Panuçi ta kualifikojë Shqipërinë në Europianin 2020. Ka dëshirë dhe besoj që ka një grup lojtarësh të nivelit të mirë. Mendoj se do të jetë në gjendje ta menaxhojë me qetësinë e nevojshme. Christian është një person inteligjent. Ka nisur menjëherë të njihet me lojtarët, duke vëzhguar shumë ndeshje të tonat. Do të vijë të më takojë, që të diskutojmë”, tha ai.
(S.SH/Shuplaka)
Discussion about this post