Avokatja ruse, Natalya Veselnitskaya është takuar me djalin e presidentit Amerikan Donald Trump Jr. në qershor të vitit 2016, në Kullën Trump në Nju Jork.
Në një intervistë për kanalin rus RT, Veselnitskaya, është shprehur e gatshme të dëshmojë para Kongresit të Shteteve të Bashkuara për takimin me djalin e presidentit amerikan.
“Jam e gatshme të dëshmoj për situatën që qëndron pas kësaj histerie masive, por vetëm përmes avokatëve ose duke dëshmuar në Senat”, tha Veselnitskaya.
Takimi i Trump JR me Veselnitskayan ka rritur dyshimet për ndërhyrjen e Rusisë në zgjedhjet presidenciale në SHBA, vitin e kaluar.
Ndërkohë që edhe me herët Veselnitskaya ka thënë se ajo është avokate private dhe se nuk ka lidhje me Kremlinin.
(S.SH/Shuplaka)
Discussion about this post