Ish-ministri i Drejtësisë Ylli Manjani ka reaguar pas vendimit të kreut të ALUIZNIT Artan Lames, për të shkrirë drejtorinë e këtij institucioni në Berat.
Manjani shprehet kundër këtij vendimi të Lames, ndërsa shkruan këto rreshta: “Mirë drejtor mavrinë, po me zyrën e ALUIZNIT çpate o Lame?!Ju bëri çorap plaka mediatike, ndërkohë komshinjtë e saj ulërasin nga padrejtësia.”
Kujtojmë se pas vendimit të kryeministrit Rama për të shkarkuar nga puna drejtorin e ALUIZNIT në Berat, Artan Lame mori një tjetër vendim. Shkriu drejtorinë e ALUIZNIT në këtë qytet.
Sipas Lames, drejtoria e kishte humbur ritmin prej kohësh dhe tashmë fton të gjithë të rinjtë që të apikojnë për punë.
‘’Pas kontrollit të ushtruar në këtë zyrë, ka rezultuar se paraqitja e zyrës linte shumë për të dëshiruar”, ka thënë Lame në arsyetimin e tij.
Sjellim ndërmend po ashtu se shkarkimi i drejtorit në Berat erdhi pas denoncimit të një gruaje të moshuar që thoshte se kishte 5 vite që sorrollatej nëpër zyrat dhe nuk i jepnin legalizimin e një shtese në banesë. (D.D.Dhuplaka)
Discussion about this post