Goditën punonjësin e UKT-së, arrestohen dy të rinj në Roskovec

Në prangat e policisë kanë përfunduar dy të rinj në Roskovec pasi kanë goditur për shkak të detyrës punonjësin e ujësjellës kanalizimeve. 

Specialistët për Hetimin e Krimeve në Komisariatin e Policisë Fier, arrestuan Selami Rërëza, 21 vjeç dhe Edison Rërëza, 19 vjeç, të dy banues në fshatin Vlosh, Roskovec.

Arrestimi i tyre u bë pasi ditën e djeshme në fshatin Vlosh, në bashkëpunim me njëri tjetrin, kanë goditur për shkak të detyrës, punonjësin e ujësjellës kanalizimeve Roskovec, F.M, 53 vjeç, banues në fshatin Vlosh, Roskovec.

Materialet i kaluan Prokurorisë pranë Gjykatës së Shkallës së Parë Fier për veprën penale “Goditje për shkak të detyrës” e kryer në bashkëpunim, parashikuar nga Nenet 237 dhe 25 të Kodit Penal.